قصيدة الشاعر / مخلد بن باني السهلي في مدح الاستاذ / خالد بن ايوب القناعي السهلي

 

سلام ياحر(ن) على نايف الجال

حر(ن) تطلع والعشا في عيونه

خالد يهوم الطيب في كل مدخال

مضراب كفه ماتدواى طعونه

قم ياسعد لاهنت للطيب مرسال

مرسال شاعر يفتخر في شجونه

شاعر وامثل لابتي والسعد طال

نرقا على الطولات عالي حصونه

نشقا ونرقا بين ناقض وفتال

حنا سهول(ن) طيبهم يحتمونه

وصل سلامي عد ماهل همال

من مدلهم خيال ضافي مزونه

واعداد ماسجل تواريخ وامثال

بالطيب واهل الطيب والي يبونه

منصاك قرم للمسايير مدهال

قرم شقردي والنشاما يجونه

خالد على الطولات للطيب عمال

ابن القناعي وافياتن فنونه

ذكر الحيا يبين للطيب دلال

الطيب سندا والمراجل نمونه

نفخر بذكر الطيب في طيب الخال

عساه يسلم والمراجل شطونه

ماكل رجال على الطيب يحتال

الاجمل زومان مثله ولونه

يشيل حمل طال حمال الاثقال

خالد على الجزلات مايلحقونه

الطيب سندا والمراجل بالافعال

يرقا ويلقا ظافياتن ردونه

دنيا تقلب بين راحل ونزال

الرابح الي لابته يدهلونه

دنياك هاذي يافتى الجود غربال

يلهى ويسها لين يقضي حتونه

وصلوا على المختار في كل ماقال

بالدين والاسلام ثبت ركونه

 

(منقول من شبكة مجالس وقبيلة السهول)

الرابط: http://www.suhol.com/vb/showthread.php?t=34011